สิทธิการิยะ จักกล่าวยันต์ ๒ ลูกนี้ก่อนแล แม้ว่าบุคคลหญิงชาย คฤหัสถ์นักบวชทั้งหลาย จักปรารถนา ผาถนา เอายัง ยัสสะสัมปัตติ บริวาร ข้าวของเงินทอง ดั่งอั้นหื้อได้สร้างยันต์ ๒ ลูกนี้ไว้กับตั๋วกับตน บ้านจองหอเฮือนเต๊อะ
ลูกหนึ่งชื่อว่า จันทปะภา ลูกสองชื่อว่า สุริยะปภา ยังมีพระฤาษี ๒ ตน อยู่เขาคันธะมาธะนะ วันนั้นท่านก็มาเล็งหัน คนหญิงชายทั้งหลาย เป็นทุกขลาภ ก๋าละกินี หาสัมปัตติข้าวของ เงินทอง ก็บ่ได้ หาอันไดจักไว้ก็บ่มี พระฤาษี ๒ ตน หื้อสร้างยังยันต์ ๒ ลูกนี้ไว้เก็บนั้นเต๊อะ ในวันจักสร้าง หื้อแป๋งยันต์ ๒ ลูกนี้ไว้นั้นเต๊อะ หื้อแป๋งเศวตฉัตร ปั๊ดป้าวจาวมอร ช่อตุง อย่างละ ๙ อัน ผ้าขาวก็หื้อพับ ๙ ชั้น หื้อเอาเงินทองบูชา ข้าวตอกดอกไม้ ดอกแดง ดอกขาว หื้อครบ ๙ อัน น้ำต้น ขันหมาก ปูยา แกงส้มแกงหวาน เทียน ๙ เล่ม หื้อพร้อมกั๋นทุกอัน แล้วถวายเป็นเครื่องบูชาไว้นบครบยำแล้ว ท่องคาถา ๑๐๘ จบ ว่า เนนทะมันเต อัสสะ กัสสะ มัสสะลิจิระสานัง มาบัง กะชะลินิสัวละ สัวติ มะวิ มะขะก๊ะ พินิรัมป๊ะ ถะตั๋วถะสาติ ยะถาตัง ยะมะมะ ตังวะวะ มะมะตัง ตัง เสกา มะมะกาติ ยะนานิ หื้อท่อง ๑๐๘ จบ เต๊อะ วิเศษนักแล ยันต์ทั้งหลายทั้งมวล เป็นยันต์บริวารของยันต์ ๒ ลูกนี้เสี้ยงแล หื้อเอายันต์ ๒ ลูกนี้ใส่ใน ผอบเงิน ผอบทอง หรือ พกติดตั๋วไว้เป็นดั่งแก้วมณีโชค แห่งพระยาจักกะวัตติราช นั้นเต๊อะ ก็หากจักสมปรารถนาไปด้วยข้าวของสัมปัตติ เงินทอง มั่งมีทุกอย่าง ช้างม้า งัว ควาย ของเลี้ยงทั้งหลาย สัตว์ ๔ ตีน สัตว์ ๒ ตีน ข้าวเปลือกข้าวสารในนา สวนเรือกพืชพรรณดกงาม อันหนึ่งก็เป็นที่รักแก่คนและเทวดาทั้งหลาย ไผบ่อาจดูหมิ่น ดูแคลนได้ แม้ว่าจักไปหาเจ้านายขุนนาง ทั้งหลาย หื้อท่องคาถาไปเต๊อะ ก็จักมีลาภะสักการ เมตต๋า มหานิยม มหาเสน่ห์ เอ็นดูขุณณามากนักแล จักไปค้าไปขาย ณ ตำบลหนใดหื้อท่องคาถาแล้วไป มีโชค มีลาภ เมตต๋า แล แม้ว่าจักไปรบศึก ขึ้นโรงขึ้นศาล ถูกต้องคดีความหื้อท่องคาถา เอาเงินทองบูชาแล้ว ไปก็จะชนะข้าศึกศัตรู แล อะม็อกสีนาท ปืนไฟ หอกดาบ เครื่องฆ่า ก็บ่อาจกระทำเราได้ แม้ว่าจักไปไหน หื้อเอาราหู แช่น้ำส้มป่อยดำหัว แช่น้ำมันงาทาหน้าผาก ชนะข้าศึกศัตรูแล แม้นท่าโกรธ คิดทำรายก็ปาก จ๋า ดี ต่อเราแล หญิงชายทั้งหลายก็รักเราแล แม้ว่าผู้หญิงเกิดลูกยากหื้อเอาราหูแช่น้ำมันทาท้อง เกิดลูกออกง่ายแล แม้ว่างัว ควาย ช้าง ม้า สัตว์ ๒ ตีน สัตว์ ๔ ตีน บ่กินข้าว บ่กินหญ้า เอาราหูแช่น้ำ แช่ข้าว หื้อกินก็หายจากโรคภัย ไข้เจ็บแล แม้ว่าค้าขายบ่ได้บ่ดี หื้อเอาราหูแช่น้ำประพรมของขายดีแล แม้ว่าเจ็บหัวมัวตา อาเจียน บ่สบาย หื้อเอาราหู แช่น้ำล้างหน้า และกินหายหมด แล แม้ว่าไฟไหม้ น้ำร้อนลวก หื้อเอาราหูแช่น้ำปูนทาหาย เอาราหูแช่น้ำล้างหน้ากินหายแล แม้ว่าเอาน้ำประพรมประตูบ้าน คุณไสย์มนต์ดำ หมู่มารโจรบ่มาเข้าใกล้ได้แล แม้ว่าท่านมีศัตรูกับใครหื้อเขียนชื่อมันใส่ใบพลูแล้วเอาราหูประกบไว้ไปหามัน ๆ ก็รักเราแล แม้ว่าจะทำนา เอาราหูแช่น้ำ ประพรมข้าวที่ปลูก ข้าวออกรวงดีนักแล
๑.อยากเลื่อน ยศถาบรรดาศักดิ์ เป็นเจ้าขุนมูลนาย หื้อสวดคาถา ๖ จบ ในวันอาทิตย์
๒.อยากหื้อผู้หญิง ผู้ชาย คนทั้งหลายรักหื้อสวดคาถา ๑๘ จบ ในวันจันทร์
๓.อยากหื้อชนะฆ่าศึกศัตรู หื้อท่องคาถา ๘ จบ ในวันอังคาร
๔.อยากหื้ออาหารการกินอุดมสมบูรณ์ บ่ขาดแคลน หื้อสวดกลางวัน ๑๗ จบ กลางคืนหื้อสวด ๑๒ จบ ในวันพุธ
๕.อยากหื้อมีปัญญาเฉลียวฉลาด หื้อท่อง ๑๙ จบ ในวันพฤหัสบดี
๖.อยากหื้อมีข้าวของสัมปัตติ หื้อสวด ๒๑ จบ ในวันศุกร์
๗.อยากหื้อคนทั้งหลายและเทวบุตรและเทวดา รัก ปกปักรักษา วุติจำเริญ หื้อสวด ๑๐ จบ ในวันเสาร์
หื้อท่องว่าดังนี้
-นะโม ๓ จบ-
เนนทะมันเต อัสสะ กัสสะ
มัสสะลิจิระสานัง มาบัง
กะชะลินิสัวละ สัวติ
มะวิ มะขะก๊ะ พินิรัมป๊ะ
ถะตั๋วถะสาติ ยะถาตัง
ยะมะมะ ตังวะวะ
มะมะตัง ตัง
เสกา มะมะกาติ ยะนานิ
